Այսօր «Հայրենիքի պաշտպան» վերականգնողական կենտրոնում հանդիսավոր բացվեց ապրիլյան պատերազմում զոհված, Արցախի հերոս Ռոբերտ Աբաջյանի անունը կրող լսարանը, բացմանը ներկա էին Ռոբերտ Աբաջյանի հայրը, տատիկն ու պապիկը:
Ռոբերտ Աբաջյանի հայրը՝ Ալեքսանդր Աբաջյանը հազիվ մեկ-երկու հարցի պատասխանեց, ասաց իր համար դժվար է խոսելը, չի ուզում:
Aravot.am-ի հարցին՝ արդյո՞ք ապրիլյան պատերազմից հետո որեւէ փոփոխություն նկատում է, Ալեքսանդր Աբաջյանը պատասխանեց.«Իմ մեջ իմ էրեխու կորուստն է խոսում»: Ապա նշեց. «Որ մեր երեխաներին հիշում են՝ սփոփվում ենք»:
Մեր այն հարցին էլ՝ ինչ կարծիք ունի քառօրյա պատերազմի հանգամանքներն ուսումնասիրող հանձնաժողովի ստեղծման մասին, ասում են՝ պայմանավորված պատերազմ է եղել, պարոն Աբաջյանը պատասխանեց.«Մենք էլ ենք ուզում իմանանք, չգիտեմ… չեմ էլ ուզում պատկերացնել, որ նման բան եղել է, որ նման քայլերով է եղել»:
Կարդացեք նաև
Նելլի ԲԱԲԱՅԱՆ
