ԵՄ Արևելյան հարևանության բոլոր քաղաքացիների 52%-ը դրական պատկերացում ունի Եվրոպական միության (ԵՄ) մասին, ինչը 7%-ով ավելի է 2016 թվականին արձանագրված պատկերից:
Նրանց երկու երրորդը (67%) համարում է, որ Եվրամիության և իրենց երկրի միջև լավ հարաբերություններ են առկա: Արևելյան հարևանության քաղաքացիների 54%-ն իրազեկված է Եվրամիության ցուցաբերած ֆինանսական աջակցության մասին, իսկ նրանց 50%-ն հավատացած է, որ այդ աջակցությունն արդյունավետ է:
ԱլԳ քաղաքացիների ավելի քան կեսը (53%), ովքեր իրազեկված են Եվրամիության ցուցաբերած ֆինանսական աջակցության մասին, կարող են նշել առնվազն մեկ հատուկ ծրագիր, որն իրենց երկրում ֆինանսավորվել է Եվրամիության կողմից:
Ըստ քաղաքացիների՝ Եվրոպական միությունն ամենավստահելի միջազգային հաստատությունն է: Այն նաև միակն է, որին վստահում է ԱլԳ քաղաքացիների մեծամասնությունը (58%):
Կարդացեք նաև
Սրանք ընդամենը մի քանիսն են 2019 թվականի փետրվար – մարտ ամիսներին Արևելյան գործընկեր երկրներում անցկացված հանրային կարծիքի ուսումնասիրության շրջանակներում արված բացահայտումներից:
Հարցումները հիմնված են յուրաքանչյուր երկրից 1,000 մարդու հաշվով ներկայացուցչական ընտրանքի շրջանում անցկացված դեմ առ դեմ հարցազրույցների վրա: Հարցման արդյունքների վերաբերյալ լրացուցիչ տեղեկություններ կարելի է գտնել «EU NEIGHBOURS east» ծրագրի կայքէջում:
EU NEIGHBOURS east
