Այսօր «Հայոց արարման հավաք» ՀԿ-ն խորհրդաժողով էր կազմակերպել «Սահմանադրություն հանուն արարող Հայաստանի» խորագրով: Քննարկման մասնակիցների շրջանում անցկացվելու է անանուն քվեարկություն՝ պարզելու, թե ՀՀ Սահմանադրությունը պե՞տք է փոխել, թե՞ ոչ: Քվեարկության արդյունքները կամփոփվեն ավելի ուշ:
ԱԻՄ առաջնորդ Պարույր Հայրիկյանը, որն այսօր դառնում է 70 տարեկան, շնորհավորանքներ ստանալուց հետո իր ելույթում ասաց, որ այսօր իր տանը տեղադրել է նաեւ ԱՄՆ դրոշը՝ որպես երախտագիտության նշան:
Պատասխանելով հարցին՝ ՀՀ-ին պե՞տք են սահմանադրական փոփոխություններ, թե՞ ոչ՝ նա ասաց. « Ես համոզված եմ, որ պետք է՝ մեր սահմանադրական գլխավոր արժեքները ավելի ամրագրված տեսնելու նպատակով… Քաղաքական գործիչներն ասում են՝ ես այս տարբերակն եմ հավանում: Միայն մի տարբերակ կա Սահմանադրական փոփոխություններ կատարելու անհրաժեշտության՝ քաղաքացու իրավունքները ավելանալո՚՞ւ են, թե՞չէ: Եթե ավելանալու են, ուրեմն կարելի է»:
Ըստ Հայրիկյանի, Սահմանադրական փոփոխություններ անհրաժեշտ են, եթե դրանք չեն արվում քաղաքական նկատառումներով:
Կարդացեք նաև
Հռիփսիմե ՋԵԲԵՋՅԱՆ
