ՀոԱմեն ամառ «Մունետիկ» ՀԿ-ն Ապարանին հարակից Լուսագյուղ գյուղի հարևանությամբ գտնվող անտառում իրականացնում է խեցեգործության սիմպոզիում, սակայն այդ սիմպոզիումի անցկացմանը այս տարի դարձյալ փորձել են խոչընդոտել: Այդ մասին «Ա1+»-ի հետ զրույցում ասաց «Մունետիկ» ՀԿ նախագահ, արվեստագետ Հրաչյա Համբարձումյանը:
«Ամեն տարի Հայանտառ ՊՈԱԿ-ի հետ կնքում ենք պայմանագիր՝ այնտեղ սիմպոզիումներ անցկացնելու համար: Խնդիրներ այդ հարցով միշտ լինում են, բայց այս տարվա խնդիրն այն էր, որ պարզվում է՝ այդ տարածքը վարձակալվել է: Մեր ակտիվ միջամտությամբ պարզվեց, որ 16 տարի մեզ խանգարել են տեղի աշխատակիցները, հատկապես՝ անտառի պահակը։ Միանշանակ կարծում եմ՝ այնտեղ հովանավորյալ մարդիկ կան: Այդ տարածքը կոնկրետ Աղվան Արամյանին է պատկանում, բայց իրականում պարզվեց, որ դա ընդհանրապես իրենց տարածքի մեջ չի մտնում, և օրենքով է արգելված այդ տարածքը որևէ մեկին տրամադրել: Ակնհայտ դարձավ խնդրի էությունը, և մենք փորձեցինք խնդիրը լուծել, իրենք խոստացան թույլտվություն տրամադրել, բայց նորից խնդիր են առաջացնում: Մենք արդեն դիմեցինք ԱԺ պատգամավոր, մշակույթի հանձնաժողովի անդամ Հրաչյա Հակոբյանին»,- ասաց Հրաչյա Համբարձումյանը:
Հոդվածն ամբողջությամբ կարող եք կարդալ սկզբնաղբյուր կայքում:
Լուսանկարը՝ «Լրագրողներ՝ հանուն իրավունքների» կայքի:
