Aravot.am-ի տեղեկություններով, Երեւան քաղաքի Նոր Նորքի 5-րդ զանգվածի բնակիչ 46-ամյա Անդրանիկ Հարությունյանի՝ «օրենքով գող» Անդիկի սպանության գործով հարցաքննվել են շենքի բնակիչները: Նրանք վարույթ իրականացնող մարմնին հայտնել են, որ ոչ մեկին չեն տեսել, ոչ մի բան չգիտեն:
Հիշեցնենք, որ համացանցում տարածված տեսանյութի համաձայն, դեպքը տեղի է ունեցել շենքի բակի զրուցարանում, երբ սպանվածը մի քանի այլ անձանց հետ, ամենայն հավանականությամբ, թղթախաղ էր խաղում: Մեր տեղեկություններով, հարուցված քրեական գործով կասկածյալ դեռ չկա:
Ինչ վերաբերում է ոստիկանության հայտնաբերած մեքենային, որով Անդրանիկ Հարությունյանին «Սուրբ Գրիգոր Լուսավորիչ» բժշկական կենտրոն են տեղափոխել, եղել է նրա հարեւանինը, որը նույնպես հարցաքննվել է որպես վկա:
Հիշեցնենք, որ փաստի առթիվ քննչական բաժնում հարուցվել էր քրեական գործ՝ ՀՀ քր-օր-ի 104 հոդվածի 1-ին մասի եւ 235 հոդվածի հատկանիշներով: Ֆոտոլրագրող Գագիկ Շամշյանը հայտնում էր, որ ՀՀ ոստիկանության բոլոր օպերատիվ ծառայությունները ձեռնարկում են հնարավորը՝ առանձնապես ծանր հանցագործությունը արագ բացահայտելու եւ այն կատարած անձին րոպե առաջ հայտնաբերելու ուղղությամբ:
Կարդացեք նաև
Արփինե ՍԻՄՈՆՅԱՆ
