Ամենայն հավանականությամբ 2020թ. հունվարի մեկից ՀՀ-ում նվազագույն աշխատավարձը կդառնա 68.000 դրամ: Այս մասին այսօր «Հոդված 3» մամուլի ակումբում լրագրողների հետ հանդիպմանը հայտարարեց ՀՀ աշխատանքի եւ սոցիալական հարցերի նախարարի տեղակալ Գեմաֆին Գասպարյանը:
Հիշեցնենք, որ «Իմ քայլը» խմբակցության պատգամավորներ Բաբկեն Թունյանի և Վարազդատ Կարապետյանի օրինագծով առաջարկվում է նվազագույն աշխատավարձը 55 հազար դրամից բարձրացնել և դարձնել 63 հազար դրամ: Կառավարությունն էլ լրացրել է օրինագիծը՝ եզրակացությունների արդյունքում առաջարկելով այդ շեմը եւս բարձրացնել եւ դարձնել 68.000 դրամ:
«Գտնում ենք, որ աշխատող մարդը աղքատության ցուցանիշից վեր կանգնած աշխատավարձ պետք է ստանա: Մասնավոր հատվածում մոտ 45 000 մարդու մասին է խոսքը, իսկ պետական ոլորտում՝ 35 000: Այդքան մարդ ստանում է նվազագույն աշխատավարձ: Սա սոցիալական խնդիր լուծելու համար է, ոչ թե իմ կամ պատգամավորի աշխատավարձը բարձրացնելու նախաձեռնություն»,-փաստեց փոխնախարար Գեմաֆին Գասպարյանը:
Նա հավելեց, որ օրինագիծը դեռ պետք է ներկայացվի ԱԺ-ի քննարկմանը՝ աշնանային նստաշրջանում:
Կարդացեք նաև
Լուիզա ՍՈՒՔԻԱՍՅԱՆ
