Հուլիսի չորսին ՀՀ արտաքին գործերի նախարար Զոհրաբ Մնացականյանն աշխատանքային այցով կլինի Արցախում եւ կհանդիպի Արցախի նախագահ Բակո Սահակյանի, ԱԺ նախագահի, Արցախի թեմի առաջնորդի եւ ԱԳ նախարարի հետ: Այս մասին այսօր լրագրողների հետ զրույցում հայտնեց ՀՀ ԱԳՆ մամուլի խոսնակ Աննա Նաղդալյանը: Նրա բնորոշմամբ՝ այդ այցը կանոնավոր գործընթաց է, որը նախորդում կամ հաջորդում է Մնացականյանի՝ Ադրբեջանի արտգործնախարարի հետ հանդիպումներին:
«Սա արվում է՝ ելնելով Արցախն ավելի ներգրավված պահելու գործառույթից, եւ այն որեւէ կերպ չի փոխարինելու Արցախի անմիջական ներգրավվածության հարցը բանակցություններում»,-շեշտեց Աննա Նաղդալյանը: Նրա փոխանցմամբ՝ հանդիպումներում անդրադարձ է կատարվելու վաշինգտոնյան հանդիպման ժամանակ քննարկված հարցերին, եւ դրանք քննարկվելու են նաեւ Արցախի ղեկավարության հետ:
https://www.facebook.com/aravot.am/videos/386604515310602/
Լուիզա ՍՈՒՔԻԱՍՅԱՆ
Կարդացեք նաև
