«Ժողովուրդ» օրաթերթի զրուցակիցը դերասանուհի Ելենա Բորիսենկոն է։ Ելենան խոսել է իր ստեղծագործական, հայաստանյան ներքին քաղաքական կյանքի մասին։
–Ելենա, կցանկանայի քաղաքական կյանքից խոսենք։ Դուք միշտ եղել եք պայքարի կիզակետում մարտի 1-ի դեպքերի ժամանակ, «Էլեկտրիկ Երեւանի», թավշյա հեղափոխության օրերին։ Հիմա ի՞նչ տպավորություն ունեք երկրում տիրող իրավիճակից։
–Այո, ես միշտ եղել եմ արդարության կողմը դեռ դպրոցական տարիքից։ Թավշյա հեղափոխության օրերին ես ոչ թե որեւէ մեկի կողմնակիցն էի, այլ ունեի թշնամի, որից ցանկանում էի ազատվել։ Դա ստացվեց։ Բնական է, որ այդ իրավիճակում երկրի ղեկավարի պաշտոնում, որպես միակ օպտիմալ տարբերակ, դիտարկվում էր Նիկոլ Փաշինյանը։ Ես չեմ զղջում, որ մենք նրան ընտրեցինք, բայց ներկայիս իշխանության բռնած ճանապարհն ինձ այնքան էլ դուր չի գալիս։ Սա դեպի իմ երազած երկիր տանող ճանապարհը չէ:
Իհարկե, կարծիքս սիրողական է, զուտ որպես քաղաքացի, սուբյեկտիվ դիրքորոշումս եմ արտահայտում։
Կարդացեք նաև
Ի դեպ, այսօր շատ դերասաններ սոցցանցերում լայվեր են մտնում, քաղաքականությունից են խոսում այն պարագայում, երբ իրենք հեղափոխությանը միացան վերջին օրերին միայն, երբ պարզ էր, որ հաղթանակն անխուսափելի է։ Իսկ նրանք, ովքեր հենց սկզբից ծառայել են հեղափոխությանը, այդպիսի բաներ չեն անում։ Աստված տա ամեն բան հաջող ընթանա։
Զրուցեց ԱՆՆԱ ԲԱԲԱՋԱՆՅԱՆԸ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
