«Տարածաշրջանում սպառազինությունների մրցավազքի հարցին մենք մշտապես հետամուտ ենք եւ խնդիրը բարձրաձայնում ենք երկկողմ եւ բազմակողմ հանդիպումներում»,-լրագրողների հետ զրույցում այսօր անդրադառնալով պաշտոնապես չհաստատված տեղեկություններին, թե Ֆրանսիան պատրաստվում է զենք վաճառել Ադրբեջանին, ասաց ՀՀ ԱԳՆ մամուլի խոսնակ Աննա Նաղդալյանը:
Նրա բնորոշմամբ՝ Ֆրանսիա-Ադրբեջան այն հարաբերությունները, որոնք վերաբերում են ռազմական ոլորտին, մշտապես ՀՀ-ի ուշադրության կենտրոնում են. «Դեռեւս փետրվարին Ֆրանսիայի նախագահը նշել է, որ Ֆրանսիան, ի տարբերություն այլ երկրների, պահպանում է իր ստանձնած պարտավորությունները, եւ Ադրբեջանին չի վաճառի այնպիսի զենք, որը կարող է օգտագործվել Արցախում: Կարեւոր է, որ Ֆրանսիան Ադրբեջանի հետ հարաբերություններում զերծ մնա ռազմական բալանսը խաթարող որեւէ համագործակցությունից, որը կարող է հարվածի տակ դնել տարածաշրջանային կայունությանը»:
https://www.facebook.com/aravot.am/videos/386604515310602/
Լուիզա ՍՈՒՔԻԱՍՅԱՆ
