Քիչ առաջ Երևանի ընդհանուր իրավասության դատարանում մեկնարկեց նախկին փոխոստիկանապետ Լևոն Երանոսյանի գործով դատական նիստը (նախագահող դատավոր Հարություն Մանուկյան):
Նշենք, որ Լևոն Երանոսյանը չի ընդունում իր մեղադրանքը:
Հիշեցնենք՝ նա մեղադրվում է 2018-ի ապրիլի 16-ին և 22-ին Երևանում 8 հատ «Զարյա» տեսակի լուսաձայնային նռնակներ կիրառելու և այդպիսով իր լիազորությունների շրջանակից դուրս գործողություններ կատարելու մեջ:
Դատական նիստին ներկա են Լևոն Երանոսյանը, նրա պաշտպան Տիգրան Սաֆարյանը, դատախազության ներկայացուցիչ Շահբազյանը:
Կարդացեք նաև
Տուժող կողմից ոչ ոք ներկա չէ դատական նիստին: Նախագահող դատավորը դիմեց Լևոն Երանոսյանին, հետաքրքրվեց՝ ի՞նչ կարծիք ունեն տուժող կողմի բացակայությամբ նիստը շարունակելու հետ կապված: Դատավորը տեղեկացրեց, որ առավոտյան տուժողի ներկայացուցիչ Տիգրան Եգորյանը զանգահարել է դատարանի աշխատակազմ, տեղեկացրել, որ նախորդ նիստից հետո բացակա տուժողներին ծանուցագրերն ուղարկվել է, նա նշել է, որ հնարավոր է չմասնակցի նիստին։ Դատավորը լսեց դատավարական կողմերին: Նրանք չառարկեցին, և նախագահող դատավորը որոշեց առանց տուժողի ներկայացուցիչների շարունակել դատական նիստը։
Տաթև ՀԱՐՈՒԹՅՈՒՆՅԱՆ
