Ողջ աշխարհում արյան դոնորությունը համարվում է բարեգործություն։ Կամավոր անհատույց դոնորությունը առողջ ապրելակերպի բաղադրամաս է, մարդասիրական քայլ և հասարակության հանդեպ բարոյական պարտք, ինչը անչափ կարևորում է TIME ընկերությունը։ Ոչ միայն ընկերությունը պետք է լինի սոցիալապես պատասխանատու և հոգ տանի շրջակա միջավայրի և ոլորտի զարգացման մասին, այլև ընկերության աշխատակիցները պետք է լինեն հոգատար. սա է ընկերության մոտեցումը։
«Հայաստանում, որպես արյան դոնոր է հանդիսանում տարեկան մոտ 15 հազար մարդ, մինչդեռ դոնորական արյան պահանջն ամբողջությամբ բավարարելու համար անհրաժեշտ է բնակչության 2%-ի մասնակցությունը դոնորությանը։ Մենք որոշեցինք թիմով արյան դոնոր դառնալ և միացանք այս բարի գործին»,-նշում է TIME ընկերության Մարդկային ռեսուրսների ղեկավար Ռուզաննա Արշակյանը։
Արյան դոնորների համաշխարհային օրվա կապակցությամբ ամբողջ մեկ ամիս
Կարդացեք նաև
Պրոֆեսոր Ռ.Հ. Յոլյանի անվան արյունաբանական կենտրոնում ընթանում է «Անվտանգ արյուն բոլորի համար» մարդասիրական արշավը և TIME ընկերության աշխատակիցները իրենց օրինակով կոչ են անում բոլորին միանալ այս նախաձեռնությանը՝ դառնալով արյան դոնոր:
«Յուրաքանչյուրը կարող է արյան կարիք ունենալ և դա կարող ենք լինել հենց մենք և մեր մտերիմները: Մեր արյունը կարող է փրկել մարդկային կյանք, այն կարող է տրամադրվել բուժման ընթացքում արյան բազմաթիվ փոխներարկումների կարիք ունեցող հիվանդներին»,- հավելեց Ռուզաննա Արշակյանը։
Նշենք, որ TIME ժամացույցների և աքսեսուարների խանութների ցանցն ունի ավելի քան 300 աշխատակիցներ և ներկայացված է Հայաստանում, Վրաստանում ու Բելառուսում։ Ընկերությունը հանդես է գալիս «Գալաքսի» ընկերությունների խումբի կազմում, որտեղ մեկ տասնյակից ավելի ընկերություններ տարբեր ոլորտներից միավորված են մարդկանց կյանքը ավելի լավը դարձնելու գաղափարի շուրջ։
