«ԲԴԽ-ին որպես միայն պատասխանատվության ենթարկող մարմին դիտարկելը ճիշտ չէ, այն պետք է լինի համակարգի անկախության երաշխավորը»,-ԱԺ այսօրվա արտահերթ նիստում հայտարարեց «Իմ քայլը» խմբակցության կողմից ՀՀ Բարձրագույն դատական խորհրդի անդամի թեկնածու առաջադրված իրավաբան Աննա Մարգարյանը:
Գնահատելով դատավորների վարքագիծն առհասարակ, նա նշեց, որ դատական համակարգը կարիք ունի որակյալ կադրերով համալրվելու. «Դա մեկ տարվա գործ չէ, այլ տարիների: Արդյունավետության մասին մեկ-երկու տարում խոսելն իրատեսական չէ: Կարճ ժամանակում ցանկալի դատական համակարգ ունենալ հնարավոր չէ՝ սոցիալական երաշխիքների, աշխատանքային պայմանների բարելավման, օրենսդրական փոփոխությունների տեսանկյունից: Հայաստանյան դատական համակարգում բացակայում է պատշաճ ինքնավարությունը՝ անկախությունը»: Թեկնածուի գնահատմամբ՝ դատական համակարգում բարեփոխումների առաջին արդյունքները տեսանելի կլինեն ամիսների ընթացքում, իսկ վերջնարդյունքը՝ տարիների:
Աննա Մարգարյանը նշեց, որ իր աշխատանքն առաջին հերթին պատկերացնում է օրենսդրական բարեփոխումների գործընթացում, քանի որ մեծ փորձ ունի:
Կարդացեք նաև
Լուիզա ՍՈՒՔԻԱՍՅԱՆ
