ԱԺ այսօրվա արտահերթ նիստում պետք է քվեարկության դրվեր «Պետական տուրքի մասին» ՀՀ օրենքում լրացումներ եւ փոփոխություններ կատարելու մասին օրինագիծը երկրորդ ընթերցմամբ եւ ամբողջությամբ ընդունելու հարցը, սակայն ԱԺ փոխնախագահ Ալեն Սիմոնյանը հայտարարեց, որ Կառավարության ուղարկած նամակով վերջինս առաջարկում է արտահերթ նստաշրջանի օրակարգից հանել օրինագիծը:
Հիշեցնենք, որ ըստ այս օրինագծի՝ մետաղի թափոնների արտահանմամբ զբաղվող հայաստանյան բոլոր ընկերություններն առանց բացառության մեկ տոննա թափոնի արտահանման դիմաց պետք է վճարեն 80 000 դրամ պետական տուրք: Նախկինում տեղական հավաստագիր ունեցող մետաղական թափոնները պետտուրքով չէին հարկվում, սակայն գործադիրը որոշել էր հարկել բոլորին՝ արձանագրելով, որ վերջին տարիներին մետաղական թափոնի արտահանումը մեծ ծավալներ է ստացել:
Լուիզա ՍՈՒՔԻԱՍՅԱՆ
