«Սիստեմա» բաժնետիրական ֆինանսական ընկերության հիմնական բաժնետեր և սեփականատեր Վլադիմիր Եվտուշենկովը հայտարարել է, որ կալանքի տակ գտնվող Հայաստանի նախկին նախագահ Ռոբերտ Քոչարյանը շարունակում է մնալ ընկերության տնօրենների խորհրդի կազմում, քանի որ ընկերությունը կարծում է, որ նրա դեմ դատական գործընթացը քաղաքական ենթատեքստ ունի:
«Դուք գիտեք, որ բազում տարիներ մեր տնօրենների խորհրդի անփոխարինելի անդամ է եղել Հայաստանի նախկին նախագահ Ռոբերտ Քոչարյանը: Այսօր, ինչպես դուք գիտեք, նա նորից կալանավորվել է: Մենք համարել ենք, որ նախ չկա մեղադրանք, երկրորդ, գործընթացը ակնհայտորեն քաղաքական է: Մենք որոշեցինք նրան ներառել տնօրենների խորհրդի նոր կազմում, առավել ևս որ նա համաձայնություն է տվել այն ժամանակահատվածում, երբ ազատության մեջ էր, քանի որ կարծում ենք, որ դա ճիշտ է»,- ասել է Եվտուշենկովը:
Պատրաստեց՝ Վիկտորյա ԱՆԴՐԵԱՍՅԱՆԸ
