«Ամերիկայի ձայն» – Մինչեւ Մեծ քսանյակի գագաթաժողովը Բրյուսելում ՆԱՏՕ-ի անդամ երկրների պաշտպանության նախարարների միջեւ անցկացված երկօրյա հանդիպման ժամանակ կողմերը քննարկել են Իրանի միջուկային ծրագրի հետ կապված հարցեր: ԱՄՆ-ի պաշտպանության նախարարի պաշտոնակատար Մարք Էսփերը ասել է, թե «Իրանի վարչակարգը Մերձավոր Արեւելքում քաոս ու հակամարտություն է սերմանում անցած 40 տարիների ընթացքում, ինչը հարկավոր է կանգնեցնել»:
Նրա խոսքերով, Իրանի թշնամական գործողությունները միջազգային խնդիր են: Այդ գործողություններից է նա համարում միջուկային զենք ձեռք բերելու Իրանի ձգտումը, բալիստիկ հրթիռների արտադրության ծրագիրը, միջազգային ահաբեկչությանն աջակցությունը եւ Արաբական ծովում, Հորմուզի նեղուցում եւ Օմանի ծովածոցում ազատ նավարկությունը խոչընդոտելու ջանքերը:
ԱՄՆ-ի ու Իրանի միջեւ լարված հարաբերություններն ավելի սրվեցին, երբ Իրանն անցյալ շաբաթ ոչնչացրեց ԱՄՆ-ին պատկանող անօդաչու մի ինքնաթիռ:
ՆԱՏՕ-ի գլխավոր քարտուղար Յենս Ստոլթենբերգը հիշեցնում է Իրանի հետ առանց նախապայմանների բանակցելու ԱՄՆ-ի պատրաստակամությունը: «Եվ դա մեր դաշնակիցների կողմից մի ուղերձ էր այն մասին, որ մենք կողմ ենք լարվածությունը մեղմելուն, երբ իրադրությունն իրոք դարձել է շատ պայթյունավտանգ»,- ասում է գլխավոր քարտուղարը:
Իրանի դեմ ռազմական գործողությունների փոխարեն տնտեսական պատժամիջոցներն ավելի խստացնելու Վաշինգտոնի քայլը վերլուծաբան Բրայըն Հուքը համարում է ամենաճիշտ քայլը: Նրա խոսքերով, այս եղանակն իրեն արդարացնում է, քանի որ ասում է նա, այն կրճատում է Իրանի վարչակարգի ու նրա աջակից ուժերի եկամուտները:
Կարդացեք նաև
Իրանի փոխարտգործնախարար Աբբաս Արագչին հայտարարում է, որ ԱՄՆ-ը զենքի ուժ է փորձում բանեցնել դոլարի միջոցով եւ դոլարի միջոցով է ուզում իր քաղաքականությունը կիրառել ընդդեմ մյուս երկրների:
Իրանի դեմ ԱՄՆ-ի կողմից պատերազմ սկսելու կողմնակիցների թիվը մեծ չէ դաշնակից երկրների շարքում: Իսկ ԱՄՆ-ի ներսում իրականացվում են քայլեր, որպեսզի պատերազմ սկսելու որոշումը կախված չլինի նախագահից: Օրենսդիրները փորձում են ընդունել օրենք այն մասին, որ պատերազմ հայտարարելու որոշումը նախ պետք է արժանանա Կոնգրեսի հավանությանը:
Իրանի վարչակարգը Մերձավոր Արեւելքում քաոս ու հակամարտություն է սերմանում
Իրան՞ը ոչ ԱՄՆը.