ԵԱՀԿ գործող նախագահ, Սլովակիայի արտգործնախարար Միրոսլավ Լայչակը հանդիպել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտինի (Ֆրանսիա) և Էնդրյու Շոֆերի (ԱՄՆ), ինչպես նաև իր անձնական ներկայացուցիչ Անջեյ Կասպրշիկի հետ: Այս մասին ասվում է ԵԱՀԿ կայքում տարածված հաղորդագրության մեջ:
Լայչակին զեկուցել են համանախագահների վերջին խորհրդակցությունների, այդ թվում Հայաստանի և Ադրբեջանի արտգործնախարարների հետ հանդիպման մասին, որը տեղի էր ունեցել համանախագահների հովանու ներքո Մոսկվայում ապրիլի 15-ին և Վաշինգտոնում հունիսի 20-ին: Համանախագահները նաև ԵԱՀԿ գործող նախագահին տեղեկացրել են մարդասիրական հարցերում գրանցված առաջնընթացի, այդ թվում այսօր ավելի վաղ Հայաստանի և Ադրբեջանի միջև գերիների փոխանակման մասին:
Լայչակն իր լիարժեք աջակցությունն է հայտնել Մինսկի գործընթացին և համանախագահների աշխատանքին, ինչպես նաև կողմերի ցուցաբերած ջանքերին լարվածությունը թուլացնելու և կառուցողական մթնոլորտ ստեղծելու ուղղությամբ՝ հանուն խաղաղության և բանակցություններում առաջընթացի:
«Մենք ողջունում ենք այս մարդասիրական քայլը, որը ցույց է տալիս, թե ինչպես երկխոսությունը կարող է հանգեցնել դրական արդյունքների հակամարտությունից տուժած մարդկանց համար»,- ասել է Լայչակը՝ մեկնաբանելով գերիների փոխանակման լուրը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
