«Հեռու եմ այն մտքից, որ մեծահարուստներին պետք է զրկել իրենց տներից, բայց Սուրիկ Խաչատրյանը, պարզվում է՝ մի հսկա տուն է կառուցել Երեւանում՝ առանց սեփականության իրավունքի: Ի՞նչ է արվելու այս դեպքում»,-ԱԺ-ում այսօր ՀՀ անշարժ գույքի կադաստրի կոմիտեի ղեկավար Սարհատ Պետրոսյանին այսպիսի հարցադրում ուղղեց ԼՀԿ պատգամավոր Արման Բաբաջանյանը:
Սարհատ Պետրոսյանը պատասխանեց. «Գույքը գրանցվել է երկու օր առաջ՝ համապատասխան վճարումներ կատարելով Երեւանի բյուջե: Մինչեւ այս պահն այն ինքնակամ շինություն էր համարվում: Ես չեմ, որ պետք է ասեմ, թե ինչ պետք է արվի այդ գույքի հետ, բայց մենք պատրաստ ենք աջակցել այն իրավական որոշմանը, որը կկայացվի՝ այդ գույքի ապագա իրավական ճակատագրի հետ կապված»:
Հիշեցնենք, որ Սարհատ Պետրոսյանն ավելի վաղ ասել էր, որ այդ առանձնատունը Երեւանի ամենաթանկ անշարժ գույքն է:
Լուիզա ՍՈՒՔԻԱՍՅԱՆ
