Եվրամիությունը որոշում է կայացրել երկարաձգել տնտեսական պատժամիջոցները Ռուսաստանի նկատմամբ կես տարով՝ մինչև 2020թ. հունվարի 31-ը:
Պատժամիջոցների երկարաձգումը պայմանավորված է Մինսկի համաձայնագրի չկատարմամբ: Նշվում է, որ նման որոշում կայացվել է հունիսի 20-21-ին այդ թեմայով ԵՄ նիստին Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի զեկույցից հետո:
Պատժամիջոցները դիպչում են ֆինանսական, էներգետիկ և պաշտպանական ոլորտներին, ինչպես նաև երկակի նշանակության ապրանքներին:
Ռուսաստանի դեմ պատժամիջոցները սահմանվել էին 2014թ. գարնանը Ռուսաստանի կողմից Ղրիմի բռնակցումից հետո: Պատժամիջոցները մի քանի անգամ երկարաձգվել են ու խստացվել:
Կարդացեք նաև
Եվրամիությունը նաև առանձին տնտեսական պատժամիջոցներ է սահմանել Ղրիմի նկատմամբ: Բացի այդ, գործում են անհատական պատժամիջոցներ որոշ ռուսական ընկերությունների և քաղաքացիների նկատմամբ:
Պատրաստեց Վիկտորյա ԱՆԴՐԵԱՍՅԱՆԸ
