Ինչպես արդեն տեղեկացրել ենք, Երևանի ընդհանուր իրավասության դատարանի Կենտրոնի նստավայրում անցնում է ԱԺ նախկին պատգամավոր Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը (նախագահող դատավոր Մնացական Մարտիրոսյան):
Դատական նիստը մոտ մեկ ժամ տևելուց հետո ընդմիջվեց, քանի որ պաշտպաններն ասացին, թե Մանվել Գրիգորյանի ներարկման ժամն է: Դատական նիստը վերսկսվելուց հետո նախագահող դատավորը մերժեց Մանվել Գրիգորյանի պաշտպանների միջնորդությունը նիստը դռնփակ անցկացնել:
Մանվել Գրիգորյանը դատարանի դահլիճում է. շնչում է թթվածնային սարքով: Պարբերաբար նրա փաստաբան Արսեն Մկրտչյանը նրան հով է անում, որպեսզի կարողանա շնչել:
Մանվել Գրիգորյանի պաշտպան Լևոն Բաղդասարյանը միջնորդեց արգելանքից հանել Մանվել Գրիգորյանի կենսաթոշակը: Մեղադրողը չառարկեց միջնորդության դեմ
Կարդացեք նաև
Նախագահող դատավոր Մնացական Մարտիրոսյանը բավարարեց միջնորդությունը:
Տաթև ՀԱՐՈՒԹՅՈՒՆՅԱՆ
Լուսանկարը՝ արխիվային
