Գործող օրենքով հայաստանյան գրավատները տարեկան վճարում են 100 000 դրամ, իսկ Հարկային օրենսգրքի բարեփոխումների արդյունքում, որի փաթեթն ԱԺ-ում քննարկվում է երկրորդ ընթերցմամբ, 2020թ.-ի համար սահմանվում է 1,5, իսկ հաջորդ տարում՝ 2 միլիոն դրամ: Այս մասին այսօր ԱԺ-ում հարկային օրենսգրքում փոփոխություններ եւ լրացումներ կատարելու մասին օրինագծերի փաթեթի երկրորդ ընթերցման քննարկումների ժամանակ հայտարարեց Ֆինանսների փոխնախարար Արման Պողոսյանը:
Նա հիշեցրեց, որ փաթեթի նախնական առաջարկով նախատեսված էր 6 միլիոն դրամ. «Այսինքն, 3-4 անգամ նվազեցրել ենք նախապես առաջարկված դրույքաչափը»:
Ինչ վերաբերում է փոխանակման կետերի պետտուրքին, փոխնախարարը նշեց, որ գործող դրույքաչափը 50 000 դրամ է, իսկ ըստ օրինագծերի նախնական փաթեթի՝ 3 միլիոն դրամ. «Վերանայման արդյունքում պետտուրքը դարձել է առաջին տարում 500 000 դրամ, իսկ երկրորդում՝ 1 միլիոն դրամ: Այսինքն, մի քանի անգամ նվազեցրել ենք նախնական դրույքաչափը»:
Հիշեցնենք, որ գրավատների եւ փոխանակման կետերի պետտուրքի բարձրացման դեմ բողոքի ցույցներ են եղել:
Կարդացեք նաև
Լուիզա ՍՈՒՔԻԱՍՅԱՆ
