Վրաստանում զարգացող իրադարձությունները եւ լարվածության աճը մեզ համար անհանգստացնող է: Այդ մասին Aravot.am-ի հետ զրույցում ասաց «Իմ քայլը» խմբակցության ղեկավար Լիլիթ Մակունցը` հույս հայտնելով, որ ՌԴ-ն եւ Վրաստանը, որոնք երկուսն էլ Հայաստանի համար կարեւոր եւ ռազմավարական նշանակություն ունեցող գործընկերներ են, կգան որեւէ եզրակացության եւ իրավիճակը կհանդարտվի:
Նկատեցինք, որ այդ զարգացումների արդյունքում Հայաստանն ուղղակի շրջափակման մեջ կարող է հայտնվել եւ հետաքրքրվեցինք`արդյոք այս հարցում մեր պաշտոնյաներն անելիք ունեն: «Հայաստանի դերակատարումն այս պարագայում ես չեմ պատկերացնում, թե ի՞նչ կարող է լինել: Վրաստանում ներքաղաքական գործընթացներ են գնում, ես ԱԳՆ-ի փոխարեն չեմ կարող արձագանքել, բայց ես կարծում եմ, որ Հայաստանն իրավունք չունի Վրաստանի ներքաղաքական կյանքին միջամտելու»,- ասաց Լիլիթ Մակունցը`հիշեցնենով, որ ՀՀ-ում մեկուկես տարի առաջ տեղի ունեցած հեղափոխությունը, ինչը ներքաղաքական զարգացում էր եւ որեւէ արտաքին միջամտություն կարող էր այլ ընթացք տալ:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
