«Դուք որտե՞ղ եք տեսել ժողովրդավարության բաստիոն, որտեղ հարձակվեն դատարանների վրա, որտեղ արգելափակեն դատարանների մուտքերը, որը արվում է պետության ղեկավարի կողմից»,- լրագրողների հետ զրույցում վրդովվեց ՀՀԿ խոսնակ Էդուարդ Շարմազանովը:
Դառնալով ՍԴ նորընտիր դատավոր Վահե Գրիգորյանի հայտարարություններին՝ նա ասաց. «Որտե՞ղ եք տեսնել ժողովրդավարության բաստիոն, որտեղ ԱԺ կողմից ընտրված ՍԴ ներկայացուցիչն իրեն ինքնահռչակում է ՍԴ նախագահ: Սա քաղաքական սամազվանեցություն է»:
Էդուարդ Շարմազանովը հիշեց պատմությունը. « Պատմության մեջ եղել է Լժե Դմիտրի առաջին, Լժե Դմիտրի երկրորդ, Եմելյան Պուգաչով, որն ասում էր, թե ես Եկատերինայի ամուսինն եմ, չեմ մահացել: Լժե Դմիտրին ասում էր՝ ես արքայազն եմ, եթե համապատասխան անձնավորությունն ինքն իրեն իշխանության լուռ համաձայնությամբ հայտարարում է ՍԴ նախագահ, չեմ զարմանա, որ Նիկոլ Փաշինյանն առավոտյան արթնանա, սուրճ խմի ու որոշի, որ ինքը արքայից արքա Տիգրան Մեծն է: Ամեն ինչին չափ ու սահման պետք է լինի»:
Տաթև ՀԱՐՈՒԹՅՈՒՆՅԱՆ
