Մի խումբ քաղաքացիներ բողոքի ցույց են անում Սահմանադրական դատարանի առջեւ: Նրանք պահանջում են ՍԴ անդամների հրաժարականը:
Բողոքի ցույցի ակտիվ մասնակից, 30 տարվա ձեռնարկատեր Արմենուհի Հարությունյանի խոսքով. «Սա մի մաֆիոզ օղակ է եղել նախկին իշխանությունների համար, որը մինչեւ հիմա գործում է: Մեր երկրում արդարություն չի եղել: Հիմա պարոն Փաշինյանը կամաց-կամաց ինչ-որ բաներ անում է: Բայց սա շատ քիչ է: Նա հիմա շատ բարդ իրավիճակի առջեւ է կանգնած, թե այս հարցերը ոնց պետք է լուծի: Այս անարդար օղակը, որ մինչեւ հիմա գործել է արդեն գոյություն չունեցող մաֆիայի համար, պետք է հեռանա: Մենք նրա համար ենք, որ Վահեն լինի սահմանադրական դատարանի նախագահ, որովհետեւ նա միշտ պայքարել է արդարության համար, բավականին պատրաստված է, արժանի է: Իսկ այս հանցագործները պետք է հեռանան»:
Աշոտ ՀԱԿՈԲՅԱՆ
