«Դուք Արդարադատության փոխնախարար եք եղել 2015թ.-ից, այսինքն՝ եղել եք Դավիթ Հարությունյանի տեղակալը: Մարտի 1-ից հետո դատարանների որոշ որոշումներ հանրությունը որակել է ապօրինի: Ձեր պաշտոնավարման ընթացքում փորձե՞լ եք դատավորներից գոնե բացատրություն պահանջել այդ որոշումների համար»,-«Իմ քայլի» կողմից Բարձրագույն դատական խորհրդի անդամի թեկնածու առաջադրված Վիգեն Քոչարյանին ԱԺ նիստում այսօր այսպիսի հարցադրում ուղղեց նույն խմբակցության պատգամավոր, Մարտի մեկի գործով նախկին փաստահավաք խմբի անդամ Անդրանիկ Քոչարյանը:
Վիգեն Քոչարյանը պատասխանեց. «Ոչ, ասեմ՝ ինչո՞ւ: Իմ լիազորությունները սահմանված են համապատասխան օրենսդրական ակտերով, եւ դատարանների միջամտության որեւէ գործողություն՝ ի դեմս ինձ կամ նախարարի, կհամարվեր իշխանության տարանջատման սկզբունքի խախտում: Միակ հնարավորությունը նախարարի կողմից համապատասխան խախտման վերաբերյալ դիմում ներկայացնելն է: Ես այդ խնդիրներով ոչ անցյալով եւ ոչ ներկայում չեմ զբաղվել: Այդ որոշումներին, որոնք բացասական են ընդունվել հանրության շրջանում, միջամտելու հնարավորություն չեմ ունեցել»:
Անդրանիկ Քոչարյանն ակնարկեց՝ «անգամ չեք զրուցե՞լ Դավիթ Հարությունյանի հետ»: Վիգեն Քոչարյանը պատասխանեց, որ զրուցել է, բայց զրույցի մանրամասները հանրայնացնելը հակասում է էթիկային:
Լուիզա ՍՈՒՔԻԱՍՅԱՆ
Կարդացեք նաև
