«Իմ քայլը» խմբակցությունը ՀՀ բարձրագույն դատական խորհրդի անդամի թափուր պաշտոնի համար առաջադրել է Վիգեն Քոչարյանի թեկնածությունը: Այս մասին այսօր ԱԺ ամբիոնից հայտարարեց խմբակցության ղեկավար Լիլիթ Մակունցը:
Հիշեցնենք, որ Վիգեն Քոչարյանն Արդարադատության գործող փոխնախարար է, նա այդ պաշտոնը զբաղեցնում է 2015թ.-ից:
«Լուսավոր Հայաստան» խմբակցության պատգամավոր Արման Բաբաջանյանը հետաքրքրվեց՝ ինչո՞ւ Վիգեն Քոչարյանը: Մակունցը պատասխանեց. «Թեկնածուների հետ նախնական պայմանավորվածություն ձեռք չի բերվել: Նրանք տեղյակ չեն լինում, որ մենք նկատի ենք ունենում նրանց թեկնածությունը: Սա կարեւոր է՝ անաչառության սկզբունքի համար: Մեր նպատակն է՝ ԲԴԽ կազմում ունենալ դատաիրավական համակարգի բարեփոխումներին պատրաստ թեկնածուներ: Մեր կարծիքով՝ Վիգեն Քոչարյանն այդ թեկնածուներից է»:
Լուիզա ՍՈՒՔԻԱՍՅԱՆ
Կարդացեք նաև
