«Դրա մասին ոչինչ չի ասվում, ինձ թվում է ԱԳ նախարարին պատշաճ կլինի հարցնել»,-Aravot.am-ի հարցին այսօր այսպես արձագանքեց ՀՀ վարչապետի մամուլի խոսնակ Վլադիմիր Կարապետյանը: Հարցը վերաբերում էր Ադրբեջանի ԱԳ նախարար Էլմար Մամեդյարովի արած հայտարարությանը:
«Ամերիկայի ձայնին» տված հարցազրույցում, Ադրբեջանի ԱԳ նախարարը, մասնավորաբար, ասել է. «Մենք ունեցանք բավականին ինտենսիվ մտքերի փոխանակում: Համանախագահները տրամադրեցին հավելյալ առարկայական առաջարկություններ, որոնք պետք է ուսումնասիրենք: Պետք է տեսնենք, թե ինչպես ենք առաջ շարժվում այս բանակցություններում: Ցավոք, ինչպես գիտեք, առկա էր լարվածության աճ»: Նա նաեւ հավելել է, որ կողմերն առաջ են շարժվում նույն խաղաղության ծրագրով, որը բանակցային սեղանին է վերջին 15 տարիներին:
Արտաքին գործերի նախարարների հանդիպումից հետո հայտարարություն էին տարածել նաեւ ԵԱՀԿ Մինսկի խմբի համանախագահները: «Համանախագահների հայտարարությունը շատ բովանդակային էր»,- ասաց Վլադիմիր Կարապետյանը: Վարչապետի խոսնակը կարեւոր է համարում, որ հաջորդ հանդիպման վերաբերյալ պայմանավորվածություն ձեռք բերվեց:
Մանրամասները`տեսանյութում
Կարդացեք նաև
https://www.facebook.com/aravot.am/videos/875155786195826/
Նելլի ԳՐԻԳՈՐՅԱՆ
