Այսօր «Սպուտնիկ Արմենիա» մամուլի կենտրոնում ՀՀ 2-րդ նախագահ Ռոբերտ Քոչարյանի պաշտպանական խմբի անդամ, փաստաբան Ռուբեն Սահակյանն ասաց, որ երբ Քոչարյանի գործով դատարանի որոշումը հրապարակվեց «Դատալեքս» համակարգում, եւ երբ պարզ դարձավ, որ այդ որոշումից բխում է, որ ՍԴ են դիմելու, դրան հետեւեց վարչապետ Փաշինյանի կոչը՝ փակել դատարանների մուտքներն ու ելքերը. «Շրջափակվեցին դատարանները, սահմանադրական կարգը տապալվեց, խախտվեց: Խախտվելու ու տապալվելու միջեւ մեծ տարբերություն կա, այդ մասին պատեհ պահին կխոսենք: Հետո եղավ այն, որ այսօր Վերաքննիչում փորձում են բողոքարկել ՍԴ դիմելու որոշումը: Ի ՞նչ տեղի ունեցավ, տեղի ունեցավ այն, որ երեկ, մեր կողմից շատ հարգված Վահե Գրիգորյանն ասաց, որ ստանձնում է Սահմանադրական դատարանի նախագահի լիազորությունները: Դրանից հետեւություն՝ հենց նեղն է ընկնում այս իշխանությունը, սկսում է քայլեր մտածել»:
Սահակյանն ասաց, որ չի բացառում, որ վաղը ՍԴ դռները կփակվեն եւ ՍԴ նախագահ Թովմասյանն եւ մյուս դատավորները չեն կարողանա մտնել ՍԴ շենք. «Որ դեպքերում է կատարվում սա՝ երբ վտանգ են տեսնում Քոչարյանի գործով: Ասում են՝ ո՞նց կարող է Ռոբերտ Քոչարյանը գտնվել ազատության մեջ: Այսօր այնպիսի մի իրավիճակ է ստեղծվել, որ ցանկացածս կարող ենք հայտնվել մեղադրյալի կարգավիճակու,մ եւ դատախազությունը կասի՝ մեղավոր է, որովհետեւ դատախազությունում կան մարդիկ, որոնք մտածում են, չեն ուզում, որ իրենք մնան այդ տեղում, եւ որպեսզի իրենք մնան իրենց տեղում անկաշկանդ, որպեսզի այդ տեղում ծաղկեպսակներ չդնեն՝ պատրաստ են ծառայել բոլորին»:
Նելլի ԲԱԲԱՅԱՆ
