Վահե Գրիգորյանի հայտարարությանը կոշտ արձագանքեցին, սահմանադրագետ Վարդան Այվազյանը լրատվամիջոցների հետ զրույցում դրանք որակեց քաղաքական գործչին հարիր հայտարարություն։ Ասաց, որ նախկին ու ներկա սահմանադրությունների ինչ-որ տերմիններ վերցրել է ու բառախաղ է անում, որ դա «իրավական անգրագիտության դրսևորում» է, ու «դատավոր» եւ «անդամ» բառախաղի արդյունքում էությունն ու բովանդակությունը չեն փոխվում։
Բանն այն է, որ խորհրդարանի կողմից Վահե Գրիգորյանը ՍԴ ընտրված երկրորդ դատավորն է, մյուսը՝ Արման Դիլանյանը, այժմ գտնվում է արձակուրդում, իսկ ՍԴ մյուս դատավորները «ՍԴ անդամներ» են, նրանք ընտրվել են, երբ դեռ Սահմանադրական դատարանի մասին օրենսդրական նոր կարգավորումներն ուժի մեջ չէին մտել, եւ օգտագործվում էր ոչ թե «դատավոր», այլ «անդամ» բառը։ Իսկ Սահմանադրական դատարանի մասին օրենքում գրված է, որ ՍԴ նախագահին փոխարինում է դատավորը։
ՍԴ գործող անդամ Ալվինա Գյուլումյանն էլ «կոռեկտ» չհամարեց մեկնաբանել արդեն գործընկեր դարձած Գրիգորյանի հայտարարությունը, սակայն կցկտուր խոստովանեց, որ համաձայն չէ դրանց հետ, արձագանքեց միայն այն խոսքին, որ ՍԴ-ում կա ընդամենը 2 դատավոր։ Փաստորեն, Դուք անօրինական եք. աշխատում՝ հարցրինք նրան։ «Մենք պաշտոնավարում ենք օրենքի շրջանակներում՝ Սահմանադրության անցումային դրույթներին համապատասխան, հիմա թե ինչպես է մեկնաբանում մեզանից յուրաքանչյուրը՝ թող գա, կնստենք, կքննարկենք, եթե պետք եղավ, մեկնաբանություն կանենք»:
Լուսինե ՇԱՀՎԵՐԴՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Այդ մասնագետները թող հետևյալ հարցին պատասխանեն՝ Դրանք պաշտոնավարում են, որպե ինչ՞ 1. որպես դատավոր թե անդամ, 2. եթե որպես դատավոր, ապա, որ իրավական նորմով է դա սահմանված: