«Կարո՞ղ եք գնահատական տալ, թե до и после, այսինքն՝ մինչեւ հեղափոխությունը եւ դրանից հետո ստուգումների որակը եւ բացահայտումների ծավալը ինչքան է»,- այսօր ԱԺ-ում 2018-ի պետբյուջեի կատարման հաշվետվության քննարկման ժամանակ Հաշվեքննիչ պալատի նախագահ Լեւոն Յոլյանին հարցրեց ԲՀԿ պատգամավոր Միքայել Մելքումյանը: Նա նաեւ հավելեց՝ հաշվեքննությունը բավականին թանկ հաճույք է, իսկ այն աշխատավարձերով, որ աշխատում են ձեր պալատում հաշվեքննիչները, կարո՞ղ են որակյալ հաշվեքննություն անել:
Յոլյանը պատասխանեց, որ իր ղեկավարած կառույցի աշխատանքը չի գնահատի ինքը, բայց թվարկեց, թե քանի քրգործեր են հարուցվել իրենց ուսումնասիրության արդյունքով. «Միայն ԲԷՑ-ով 7 քրգործ է հարուցվել: Բավականին ակտիվ համագործակցել ենք դատախազության հետ, ԴԱՀԿ-ի հետ կապված 2017-ի մեր նյութով նույնպես 7 քրգործ է հարուցված՝ 1 մլրդ 375 մլն պետությանը հասցված վնասի մասով: Չգնահատեմ նախորդ տարիները, երբ եղել եմ տեղակալ կամ եղել եմ էներգետիկայի ղեկավար, դա կոռեկտ չի լինի: Բայց ընդհանուր առմամբ՝ մինչեւ 2013-ը մեծ ազդեցություն ունեցավ ֆինանսական միջոցների, գույքերի օտարման առումով: 2018-ի մեր նյութը նայեք, կտեսնեք՝ 4-5 դրամով ժողովրդի լեզվով ասած՝ Փարաքարի ճանապարհի վրա հող էր օտարվում, որը հենց առաջին գոտում էր գտնվում: Դրանից հետո նույն ԱԺ-ն շեմեր սահմանեց կադաստրային: Ես կարծում եմ, 2017-ին բավականին լուրջ պրոբլեմային խնդիրներ արձանագրվել են, 2018-ին՝ ավելի շատ»:
Ինչ վերաբերում է աշխատավարձերին, Յոլյանն ասաց, որ դա ցավոտ հարց է:
Կարդացեք նաև
Հռիփսիմե ՋԵԲԵՋՅԱՆ
