«Ձեր՝ նախարար եղած ժամանակ ինչ-որ մի մեծ բիզնեսի օբյեկտ ձեռք բերե՞լ եք, թե՞ ոչ»,- այսօր ԱԺ-ում 2018-ի բյուջեի կատարման հաշվետվության քննարկման ժամանակ «Իմ քայլի» պատգամավոր Հայկ Գեւորգյանն այս հարցն ուղղեց Հաշվեքննիչ պալատի նախագահ Լեւոն Յոլյանին:
Յոլյանն արձագանքեց՝ «Մի հատ նորից վերջին մասը, լավ չլսեցի»: Հայկ Գեւորգյանն էլ ավելի կոնկրետ հարցրեց՝ «Լավ, Պրեմիում Մայնինգ ընկերությունը ձեր հետ կապ ունի՞, ծանո՞թ է ձեզ, թե՞ ոչ»:
Յոլյանը պատասխանեց. «Ես այսօրվա դրությամբ եւ արդեն երեւի 4-5 տարի է ոչ մի բիզնեսով զբաղված չեմ եւ իմ հետ փոխկապակցված անձնավորությունները: Կոնկրետ կազմակերպության առումով կճշտեմ ինչի՞ մասին է խոսքը: Ես կճշտեմ, բանավոր կասեմ…ո՞նց անեմ, թերթում հայտարարությո՞ւն տամ»,- ասաց Յոլյանն ու փակեց բիզնեսի հետ կապված թեման:
Հռիփսիմե ՋԵԲԵՋՅԱՆ
