«Բավականին հետաքրքիր էր Ադրբեջանի պաշտպանության նախարարի այդ տեսակետը: Թվում է, թե մանիպուլյացիա է, եւ մեր գլխի տակ «փափուկ բարձ դնելով»՝ պատրաստվում են պատերազմի: Բայց մենք դա չպետք է բացառենք, որովհետեւ մենք ունենք ապրիլյան ռազմական գործողությունների փորձը»,-Aravot.am-ի հետ զրույցում անդրադառնալով Ադրբեջանի պաշտպանության նախարար Զաքիր Հասանովի հայտարարությանն այն մասին, որ միջազգային դրությունը թույլ չի տալիս հայկական կողմի դեմ պատերազմ սկսել, ասաց ԱԺ «Իմ քայլը» խմբակցության պատգամավոր Շիրակ Թորոսյանը:
«Միեւնույն ժամանակ՝ միջազգային իրավիճակը կարեւոր գործոն է տարածաշրջանային իրավիճակի, պատերազմ սկսել-չսկսելու հարցի համար: Ադրբեջանն այն երկիրը չէ, որը կարող է ոտնատակ անել միջազգային հանրության կարծիքն ու պատերազմ սկսել: Բայց խնդիրն այլ տեղ է՝ մենք միշտ պետք է պատրաստ լինենք պատերազմի, ոչ թե հետեւենք, թե ինչու Ադրբեջանը պատերազմ չի սկսում կամ թե ինչպես է պատրաստվում պատերազմի»,-շեշտեց Շիրակ Թորոսյանը:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
