«Առավոտի» հետ զրույցում «Լուսավոր Հայաստան» խմբակցության պատգամավոր Արման Բաբաջանյանն ասաց. «Մեր պաշտպանական գերատեսչությունը պիտի վերանայի նախկինից նշանակված շատ ու շատ նշանակումներ: Օրինակ, վերջերս ՊՆ նախարարի խորհրդականների հարցը բարձրացավ, որ գրեթե ոչ ոք չի փոխվել: Այդտեղ իսկապես մտահոգվելու հարց կա եւ առաջիկայում ես պատրաստվում եմ այդպիսի հարցադրումներով հանդես գալ: Պիտի տեսնենք, թե ինչ է այդ մասին մտածում մեր պաշտպանության նախարարը»:
Մենք ճշտեցինք՝ խոսքը պաշտպանության նախարարությունում նախկինում նշանակված կազմը փոխելու մասի՞ն է՝ Արման Բաբաջանյանը պատասխանեց. «Փոխելու եւ առհասարակ մտածելու, թե ինչպե՞ս կարող էին մարդիկ, ովքեր Սերժ Սարգսյանին էին խորհուրդ տալիս, այսօր շարունակեն խորհուրդ տալ Դավիթ Տոնոյանին: Մի՞թե առաջնահերթությունները չեն փոխվել, մի՞թե ընդհանրապես միտումը չի փոխվել կամ ընկալումը չկա, որ նախկին գործելաոճը շարունակելն անթույլատրելի է»:
Կարդացեք տպագիր «Առավոտի» այսօրվա համարում
