Ինչպես արդեն տեղեկացրել ենք, հունիսի 18-ին ընթացավ ՀՀ երրորդ նախագահ Սերժ Սարգսյանի եղբորորդու՝ Հայկ Սարգսյանի գործով դատական նիստը:
Նախագահող դատավոր Աննա Դանիբեկյանը գործով վկա Սամվել Ասլանյանին բերման ենթարկելու որոշում կայացրեց:
Այնուհետև Հայկ Սարգսյանի պաշտպան Երեմ Սարգսյանը հանդես եկավ միջնորդությամբ. «Որևէ արգելք չկա, որ անցնենք ապացույցների հետազոտությանը: Միջնորդում եմ փոխել ապացույցների հետազոտման կարգը»:
Դատախազը նշեց, որ դա նպատակահարմար չէ:
Կարդացեք նաև
Դատական նիստը հետաձգվեց: Հաջորդ դատական նիստը նշանակվեց հուլիսի 2-ին՝ ժամը 13:00-ին։
Հիշեցնենք՝ Հայկ Ալեքսանդրի Սարգսյանին մեղադրանք է առաջադրվել՝ սպանության փորձի, ապօրինի կերպով հրազեն ձեռք բերելու և պահելու համար՝ ՀՀ քրեական օրենսգրքի 34-104-րդ հոդվածի 1-ին և 235-րդ հոդվածի 1-ին մասերով։ 2018թ. օգոստոսի 17-ին հայտարարվել է նախաքննության ավարտի մասին:
Տաթև ՀԱՐՈՒԹՅՈՒՆՅԱՆ
