«Այս Ազգային ժողովի համար որեւէ բան ի սկզբանե որոշված չէ: Չեմ ուզում ակնհայտ ճշմարտությունը ծածկադմփոցի ենթարկելու փորձ անեմ կամ փարիսեցու տպավորություն թողնեմ: Գիտեք, որ «Իմ քայլը» խմբակցությունում դրական վերաբերմունք կա Վահե Գրիգորյանի հանդեպ: Թաքցնելու բան չունենք»,-լրագրողների հետ զրույցում այսօր հայտարարեց ԱԺ նախագահ Արարատ Միրզոյանը: Հիշեցնենք, որ ԱԺ-ն Վահե Գրիգորյանին ընտրեց Սահմանադրական դատարանի անդամ:
Ինչ վերաբերում է Վահե Գրիգորյանի հայտարարությանն այն մասին, որ եթե որեւէ իրավիճակում ՍԴ նախագահ Հրայր Թովմասյանը հրաժարական տա, ապա ինքը պատրաստ է աշխատել որպես ՍԴ նախագահ, Արարատ Միրզոյանը նշեց. «Ո՞վ չէր ուզի, եթե լիներ Վահե Գրիգորյանի փոխարեն: Կարծում եմ՝ ոչ բոլորը կարող են ունենալ նույն պատրաստվածության աստիճանը, բայց բավականին գայթակղիչ է հնչում, համաձայն չե՞ք: Հստակ արձանագրենք՝ ես չասացի, թե ես ուզում եմ, որ Հրայր Թովմասյանը հրաժարական տա, Վահե Գրիգորյանն էլ նրան փոխարինի: Իշխանությունը չի կարող դիտարկել Հրայր Թովմասյանի հրաժարականը»:
Մանրամասն՝ տեսանյութում
Կարդացեք նաև
https://www.facebook.com/aravot.am/videos/2326166380832504/
Լուիզա ՍՈՒՔԻԱՍՅԱՆ
