Քիչ առաջ ՀՀ Վերաքննիչ քրեական դատարանում՝ նախագահությամբ Արմեն Դանիելյանի, հրապարակվեցին ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի պաշտպանների և տուժողի ներկայացուցիչ Սեդա Սաֆարյանի կողմից դատարանին ներկայացված ինքնաբացարկի միջնորդության վերաբերյալ որոշումները:
Նախագահող դատավորը հարցրեց՝ ամբաստանյալ Ռոբերտ Քոչարյանի բացակայության մասին: Ռոբերտ Քոչարյանի պաշտպան Հայկ Ալումյանը նշեց. «Քանի որ մեղադրյալի ներկայանալն այս դատավարությունում պարտադիր չէ, անգամ եթե դատարանը մերժում է ինքնաբացարկ հայտնելու որոշումը, դատավարական գործի ծավալն այնպիսին է, որ Քոչարյանի ելույթի համար հազիվ թե այսօրվա դատական նիստում հերթը հասնի, այդ պատճառով պարոն Քոչարյանը նախընտրեց դատական նիստի չգալ, բայց նաև այդ միջոցով իրազեկեց դատարանին, եթե անհրաժեշտության համար նրա մասնակցությունն այսօրվա նիստին, կարող ենք կփոխանցել, և ինքը կարճ ժամանակահատվածում կգա»:
Այս պարզաբանումից հետո նախագահող դատավորն ընթերցեց իր իսկ որոշումը իր ինքնաբացարկի մասին միջնորդությունների վերաբերյալ: Տուժողի ներկայացուցիչ Սեդա Սաֆարյանի կողմից դատարանին ներկայացված, Ռոբերտ Քոչարյանի, Սեյրան Օհանյանի, Յուրի Խաչատուրովի պաշտպանների կողմից ներկայացված ինքնաբացարկի միջնորդությունները մերժվեցին:
Կարդացեք նաև
Տաթև ՀԱՐՈՒԹՅՈՒՆՅԱՆ
