Սերժ Սարգսյանի եղբորորդու` Հայկ Սարգսյանի գործով դատական նիստի մեկնարկից առաջ լրագրողները Հայկ Սարգսյանից հետաքրքրվեցին՝ Չեխիայի արդարադատության նախարարը համաձայնություն տվե՞լ է նրա եղբոր՝ Նարեկ Սարգսյանի արտահանձնման վերաբերյալ: Հայկ Սարգսյանը պատասխանեց. «Իմ իմանալով՝ համաձայնություն չի տվել»:
Մյուս հարցին՝ արդյոք իր հայրը՝ Ալեքսանդր Սարգսյանը, Իսպանիայո՞ւմ է, Հայկ Սարգսյանը պատասխանեց՝ այո: Հստակեցմանը՝ բուժմա՞ն, թե՞ հանգստի նպատակով, Հայկ Սարգսյանը պատասխանեց՝ բուժման:
Նշենք, որ այսօրվա դատական նիստին կհարցաքննվեն գործով անցնող վկաները:
Հիշեցնենք՝ Հայկ Ալեքսանդրի Սարգսյանին մեղադրանք է առաջադրվել՝ սպանության փորձի, ապօրինի կերպով հրազեն ձեռք բերելու և պահելու համար՝ ՀՀ քրեական օրենսգրքի 34-104-րդ հոդվածի 1-ին և 235-րդ հոդվածի 1-ին մասերով։ 2018թ. օգոստոսի 17-ին հայտարարվել է նախաքննության ավարտի մասին:
Կարդացեք նաև
Տաթև ՀԱՐՈՒԹՅՈՒՆՅԱՆ
