«Ծանուցագիրը որ ուղարկում են, պետք է դնեի «ռամկայի» մեջ ու կախեի պատի՞ն»,-լրագրողների հետ զրույցում այսօր այսպիսի հարցադրում արեց ԲՀԿ առաջնորդ Գագիկ Ծառուկյանը։ Նա այդպես էլ չհստակեցրեց, թե արդյոք պատռել է քննչական կոմիտեի` հարցաքննության կանչելու մասին ծանուցագիրը։
«Առանց դրա որ գնայի, չէին ընդունի՞»,-կրկին հարցադրում արեց նա։
«Ես համապատասխան պատասխանել եմ իմ փաստաբանի միջոցով, որ օրենքի առաջ բոլորը հավասար են։ Հիշեցնեմ, որ ըստ օրենքի` պատգամավորն իր կարծիքն ասելու համար ոչ պատասխանատվության է ենթարկվում, ոչ էլ հետապնդվում»,-շեշտեց Գագիկ Ծառուկյանը։
Նա հավելեց, որ քննչական կոմիտե գնալու կարիք չի տեսնում, որովհետեւ ինչ պետք է` ասել է փաստաբանի միջոցով։
Կարդացեք նաև
Լուիզա ՍՈՒՔԻԱՍՅԱՆ
