Հայ ժողովրդի պատմության տարեգիրներն ապագայում հավանաբար մի մեծ խնդրի առաջ են կանգնելու, երբ որոշեն Հայաստանի այսօրվա իշխող կուսակցության գաղափարախոսության մասին երկու խոսք ասել։ Ինչպիսի՞ կուսակցություն էր Հայաստանը ղեկավարում 2018-ի ապրիլյան իշխանափոխությունից հետո։ Նիկոլ Փաշինյանն իրենց համագումարում այս հարցի պատասխանը տվեց՝ առանց «իզմերի», ստացվում է՝ համարյա «իզգոյ»։
«Մենք կուսակցություն ենք, որ մերժել ենք իզմերը, որովհետև ժամանակակից աշխարհում կարծրացած գաղափարախոսություններ այլևս գոյություն չունեն։ Քաղաքական իմաստով մենք լիբերալ չենք, ցենտրիստ չենք, սոցիալ-դեմոկրատ չենք, մենք քաղաքացիական կուսակցություն ենք»,- հպարտ հայի երջանիկ դեմքով ասաց Նիկոլ Փաշինյանը։ Անգամ ամենազարգացած երկրներում, նույն հայ պաշտոնյաների նախընտրած ԱՄՆ-ում, ԵՄ-ում չի կարող մեկը կանգնել ու ասել, որ հստակ գաղափարախոսություն չունի ու հասնել իշխանության։
Սա աբսուրդ է։ Ընտրությունները լինում են կուսակցությունների գաղափարախոսությունների միջև, ինչի մասին Հայաստանում միշտ երազում էին։ Մինչդեռ տեղի ունեցավ լրիվ այլ բան. ոչ թե ժողովուրդը սկսեց գիտակցել, որ ընտրություն պետք է կատարի ծրագրերի ու գաղափարների միջև, այլ իշխանության եկած ուժը վերջ դրեց այդ երկընտրանքին՝ ոչ մի գաղափարախոսություն չդնելով իշխանական ուժի «տակ»։
Հոդվածն ամբողջությամբ՝ «Իրատես» թերթի այսօրվա համարում:
