Aravot.am-ի տեղեկություններով, կաշառքի գործով մեղադրյալ գլխավոր մանկաբարձ-գինեկոլոգ Ռազմիկ Աբրահամյանի առողջական վիճակը լավ չէ, նա տեղափոխվել է հիվանդանոց:
«Հիմա պառկած եմ հիվանդանոցում, ոնց որ թե իմ անձը շատ է հետաքրքրում, հա»,- ,մեզ հետ զրույցում ասաց Ռազմիկ Աբրահամյանը:
Հիշեցնենք, որ Ազգային անվտանգության ծառայությունն առանց անուններ նշելու, հայտնել էր, որ տվյալներ են ստացվել Առողջապահության նախարարության ղեկավար աշխատողին առանձնապես խոշոր չափերով կաշառք տալու վերաբերյալ ձեռք են բերվել փաստական տվյալներ, որ բժշկական հաստատություններից մեկի տնօրենն անձամբ Առողջապահության փոխնախարարի աշխատասենյակում նրան առանձնապես խոշոր չափի կաշառք է տվել իր բուժհաստատության պետպատվերի գումարն ավելացնելու դիմաց:
Ռազմիկ Աբրահամյանը հրաժարվեց մեր հարցերին պատասխանել, բոլոր հարցերին տվեց մի պատասխան.«Նախ դա կաշառք չի եղել, երկրորդն էլ գտնվում է ընթացքի մեջ, կվերջանա, կճշտեք, հարցերին կպատասխանեմ, ես ոչ մի հարցի չեմ պատասխանելու հիմա»:
Կարդացեք նաև
Արփինե ՍԻՄՈՆՅԱՆ
