«Ընտրական օրենսգրքի բարեփոխումների առնչությամբ մեկ-երկու հանդիպում արդեն եղել է: Ցավոք, հրատապության առումով այլ բաներ են առաջ ընկել, բայց ԸՕ բարեփոխումները մեր օրակարգում են, առաջիկայում հերթական հանդիպումը կունենանք»,-այս մասին այսօր լրագրողների հետ զրույցում հայտարարեց ԱԺ նախագահ Արարատ Միրզոյանը:
Ինչ վերաբերում է սահմանադրական բարեփոխումներին, Միրզոյանը նշեց. «Պետք է խոստովանենք, որ այս պահին մեծ առաջընթաց չկա, չենք կարող ասել, որ շատ քայլեր ենք արել, բայց հերթով-կարգով-շարքով…»:
«Վեթինգի» եւ անցումային արդարադատության նախագծի մշակման մասին էլ ԱԺ նախագահն ասաց, որ բովանդակալից քննարկումներ են ունեցել քաղաքացիական հասարակության ներկայացուցիչների հետ:
«Փակագծեր բացեմ՝ մեկ նախագծի փոխարեն մեկ-երկու նախագիծ է դիտարկվում, բայց թյուրըմբռնում կա: Հասկանանք, որ խոսքը մեկ օրենքի մասին չէ, որում գրված կլինի «վեթինգ» կամ «անցումային արդարադատություն»: Երբ քննարկում ենք այդ երկուսի գործիքները, խոսքը շատ օրենքներում որոշակի կարգավորումներ մտցնելու մասին է լինում»,-եզրափակեց ԱԺ նախագահը:
Կարդացեք նաև
https://www.facebook.com/aravot.am/videos/886456415032155/
Լուիզա ՍՈՒՔԻԱՍՅԱՆ
