«Եվրամիությունը մի շարք պատճառներով է որոշել աջակցել կինոյի ոլորտի օրենք ունենալու այս նախաձեռնությանը, որովհետեւ համոզված է, որ մշակույթի միջոցով կարելի է ներդրումներ բերել տնտեսության զարգացման համար»,-կինոյի ոլորտում օրենսդրական նախաձեռնությունների վերաբերյալ խորհրդարանական լսումներում այսօր հայտարարեց Հայաստանում ԵՄ պատվիրակության ղեկավար, դեսպան Պյոտր Անտոնի Սվիտալսկին։
Աջակցության երկրորդ պատճառը, ըստ դեսպանի, հետեւյալն է . «Հայաստանի մասնակցությունը մեր «Ստեղծարար Եվրոպա» ծրագրին ողջունում ենք, ուստի մեր այս քայլը նպաստում է այդ մասնակցությանը: Մյուս կողմից, գտնում ենք, որ հայաստանյան կինոարտադրությունը զարգանալու մեծ ներուժ եւ հնարավորություններ ունի՝ ժամանակակից մոդելի ներդրման անհրաժեշտությամբ պայմանավորված»:
Լուիզա ՍՈՒՔԻԱՍՅԱՆ
