«Մեր արտաքին քաղաքական գերատեսչությունն արդյոք հետաքրքրվե՞լ է Հայաստանում Ռուսաստանի դեսպանի եւ ՀՀ երկրորդ նախագահի միջեւ օրերս կայացած հանդիպման բովանդակության վերաբերյալ»,-այսօր ԱԺ արտաքին հարաբերությունների հանձնաժողովի նիստում «Լուսավոր Հայաստան» խմբակցության պատգամավոր Արման Բաբաջանյանն այս հարցն ուղղեց փոխարտգործնախարար Գրիգոր Հովհաննիսյանին:
Բաբաջանյանը հարցրեց.«Ես ուզում եմ հասկանալ՝ մեր կառավարության համար եւ մասնավորապես արտաքին քաղաքական գերատեսչության համար խնդի՞ր է Մարտի 1-ի ոճրագործության մեջ մեղադրվող անձի երկժամյա հանդիպման փաստը եւ բովանդակությունը մեր բարեկամ դաշնակից երկրի դեսպանի հետ: Ինչո՞ւ մինչեւ հիմա դեսպանը չի կանչվել արտգործնախարարություն՝ պարզաբանման համար»:
Փոխնախարարը պատասխանեց. «Դիվանագիտական արարողակարգի եւ նորմերի շրջանակներում դեսպանը որեւիցե սխալ արարք չի գործել, այն չի կարող դատապարտելի լինել կամ հատուկ քննության առարկա դառնալ մեր գերատեսչության կողմից: Անշուշտ, բոլորս լսեցինք հասարակական, նաեւ պետական քաղաքական գործիչների տարբեր արձագանքները: Դիվանագիտական արարողակարգի առումով մենք նույնիսկ քննության մեջ գտնվող անձի հետ կապված որեւիցե հայտարարություն չունենք ու չենք կարող անել»:
Հանձնաժողովի նախագահ Ռուբեն Ռուբինյանը հավելեց. «Ինձ համար տարակուսելի է այդ հանդիպումը եւ ողջունելի չէ»:
Կարդացեք նաև
Հռիփսիմե ՋԵԲԵՋՅԱՆ
