ԱԺ նախագահ Արարատ Միրզոյանից այսօր լրագրողները հետաքրքրվեցին՝ «դուք ասացիք՝ անընդունելի է, որ ՀՀ-ում ՌԴ դեսպանը հանդիպել է Ռոբերտ Քոչարյանի հետ: Սակայն այսօր փոխարտգործնախարարն ասել է, որ ՌԴ դեսպանը որեւէ սխալ չի գործել, ինչպե՞ս կարձագանքեք»:
Արարատ Միրզոյանը պատասխանեց. «Փոխարտգործնախարարը թող իր կարծիքը հայտնի, ես էլ իմ դիրքորոշումն ունեմ: Ես ասել եմ, որ չեմ ողջունում այդ հանդիպումը, եւ կրկնում եմ ասածս»:
Արարատ Միրզոյանը հարցադրում արեց. «Փոխարտգործնախարարը…ո՞ր մի փոխարտգործնախարարը»: Ապա հավելեց. «Չգիտեմ՝ ինչ է ասել»:
Հիշեցնենք՝ ՀՀ ԱԳ փոխնախարար Գրիգոր Հովհաննիսյանն այսօր հայտարարել է, որ ՀՀ-ում ՌԴ դեսպան Սերգեյ Կոպիրկինը, հանդիպելով ՀՀ երկրորդ նախագահ Ռոբերտ Քոչարյանի հետ, դիվանագիտական արարողակարգի նորմերի տեսանկյունից սխալ արարք թույլ չի տվել:
Կարդացեք նաև
https://www.facebook.com/aravot.am/videos/454193745125864/
Լուիզա ՍՈՒՔԻԱՍՅԱՆ
