Վերաքննիչ քրեական դատարանի դատավոր Արմեն Դանիելյանը հրապարակեց Ռոբերտ Քոչարյանի եւ մյուսների գործով, Ռոբերտ Քոչարյանի պաշտպանների ներկայացրած միջնորդությունը`դատավորին ինքնաբացարկի մասին: Միջնորդությանը միացել էր նաեւ Յուրի Խաչատուրովի պաշտպանը: Դատարանը մերժեց միջնորդությունները:
Որոշումը ենթակա չէ բողոքարկման:
Hearings of the RA second President Robert Kocharyan took place
Հիշեցնենք, ՀՀ վերաքննիչ քրեական դատարանում այսօր շարունակվում էր «մարտի 1-ի գործով» տուժողների իրավահաջորդի ներկայացուցիչ Վահե Գրիգորյանի եւ տուժողի իրավահաջորդի ներկայացրած Սեդա Սաֆարյանի ներկայացրած վերաքննիչ բողոքի քննությունը: ՀՀ գլխավոր դատախազությունը բողոքարկել է մայիսի 18-ի՝ Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու եւ նույն դատարանի մայիսի 20-ի՝ քրեական գործի վարույթը կասեցնելու եւ Սահմանադրական դատարան դիմելու որոշումը: Վերաքննիչ բողոքներ են ներկայացրել նաեւ տուժողների իրավահաջորդների ներկայացուցիչ Վահե Գրիգորյանը և տուժողի ներկայացուցիչ Սեդա Սաֆարյանը:
Կարդացեք նաև
Այսօր կայացած նիստում, Երեւանի դատախազ Գեւորգ Բաղդասարյանը հարց էր ուղղել նախագահող դատավոր Արմեն Դանիելյանին` ի՞նչ նպատակով է Ռոբերտ Քոչարյանը դատարան մուտք գործում ոչ թե գլխավոր մուտքով, այլ հետնամուտքով: Գեւորգ Բաղդասարյանը կարծում է, որ դա կարող է կասկածների տեղիք տալ` դատարանի հետ շփումների առումով: Նիստը նախագահող դատավորը հայտարարեց` շփումները բացառված են: Դատավորը նաեւ ասաց, որ դատարանը նման կարգ չի սահմանել, նման կարգադրություն եւ հանձնարարություն էլ ինքը չի տվել: Թե ինչո՞ւ է այդպես`խոստացավ ճշտել եւ ըստ նպատակահարմարության, պարզաբանում տալ:
Supporters and opponents of the RA second President Robert Kocharyan hold a protest action in front of the RA Court of Appeals
Ողջ օրը ՀՀ վերաքննիչ դատարանի մոտ շարունակվում էր Ռոբերտ Քոչարյանի աջակիցների եւ նրա կալանավորման համար պայքարողների ցույցը: Առաջինները ապահովված էին սնունդով, հովանոցներով եւ բավական շատ էին: Ռոբերտ Քոչարյանի կալանավորման համար պայքարողներն ավելի սակավաթիվ են: Նրանք պնդում են, որ 15-16 տարեկան երեխաներին են բերում Քոչարյանի աջակիցները եւ տարակուսում են, թե ինչո՞ւ են օգտագործում այդ երիտասարդներին:
Supporters and opponents of the RA second President Robert Kocharyan hold a protest action in front of the RA Court of Appeals
Նրանք պնդում են, որ հովանոցները, ջուրը եւ սնունդը Քոչարյանի աջակիցների համար ապահովում են «հովանավորները»: Մինչդեռ Ռոբերտ Քոչարյանի աջակիցների ցույցի կազմակերպիչներն էլ պնդում են, որ իրենք են գումար հավաքել սնունդի եւ ջրի համար, հովանոցներն էլ իրենք են գնել: Հովանավորների կարիք էլ չունեն. «500-600 հոգի մարդ ենք, մարդա հազար դրամ էլ հավաքենք`հերիք ա: Իսկ հովանոցները հո ամեն անգամ չենք գնում, մի անգամ գնել ենք, միշտ օգտագործում ենք»:
Նելլի ԳՐԻԳՈՐՅԱՆ
