«Իմ քայլը» խմբակցության պատգամավոր Վարազդատ Կարապետյանն առաջարկում է «Հարկային օրենսգրքում» փոփոխություն կատարել: Այսօր ԱԺ տնտեսական հարցերի հանձնաժողովի նիստում նա ասաց. «Առաջարկում ենք ՀՀ տարածքում խոշոր եղջերավոր անասունների աճեցումն ու իրացումը ԱԱՀ-ից ազատել»: Նա ասաց, որ անասունների ներկրումը, արտահանումը ազատված էր հարկից, բայց ՀՀ-ում աճեցվող եւ իրացվող անասունների դեպքում հարկ էր կիրառվում:
Նախագիծն ընդունվեց ու ստացավ դրական եզրակացություն:
Մի շարք վարչական իրավախախտումների մասին տույժերը համաներման արժանացնեու նախագիծ է ներկայացրել կառավարությունը: Բարձր տեխնոլոգիական արդյունաբերության նախարար Հակոբ Արշակյանը, նախագիծը ներկայացնելով՝ ասաց, որ խոսքը վերաբերում է առանց համապատասխան լիցենզիայի մարդատար տաքսի ավտոմեքենաներով ուղևորափոխադրումների իրականացնողների տուգանքներին, թույլատրելի զանգվածը գերազանցող բեռնատարների տուրքերին: Մարդատար տաքսի վարողները տուրքը վճարելու դեպքում տույժերից ազատվում են, նրանց երեք ամիս ժամանակ էին տվել, որ տույժերը վճարեն, հիմա 3 ամիսը դարձնում են 6 ամիս: Առանց լիցենզիայի մարդատար ավտոյով ուղեւորափոխադրում իրականացնողների վրա կիրառված տուգանքները, ինչպես նաեւ քաշը գերազանցող բեռնատարների տուգանքները համաներվում են:
Կարդացեք նաև
Այս նախագիծը եւս դրական եզրակացություն ստացավ:
Հռիփսիմե ՋԵԲԵՋՅԱՆ
