Տավուշի մարզի Ենոքավան գյուղի դպրոցականները, համարելով, որ թանգարան անվճար այցելության տոմսեր ունեն, մի քանի օր առաջ ճանապարհ են ընկել դեպի Երեւան՝ համատեղելու մայրաքաղաքում էքսկուրսիան ու այցերը մշակութային հաստատություններ։ Բայց պարզվել է, որ վերջիններում իրենց չեն սպասում։
Ինչպես հայտնի է, արդեն նախկին Կրթության եւ գիտության նախարարությունը, Մշակույթի նախարարության հետ համատեղ ներդրել է աբոնեմենտային համակարգ, ինչի շնորհիվ դպրոցականները հնարավորություն են ստանում տարեկան մեկ անգամ անվճար գնալ թատրոններ, թանգարաններ ու համերգասրահներ։
Ենոքավանի հիմնական դպրոցի 7-րդ դասարանի աշակերտները նախընտրել են Մատենադարանը, իսկ 3-րդ եւ 4-րդ դասարանցիներն այցելել են Հովհաննես Թումանյանի թանգարան։ Աշակերտների մեկ այլ խումբ էլ որոշել է Դիլիջանում գործող փողի թանգարանը տեսնել։ Աշակերտների ծնողների փոխանցմամբ, բոլոր դեպքերում երեխաներին հրաժարվել են ընդունել՝ պատճառաբանելով, որ նրանց տոմսերն այլեւս չեն գործում։
«Պատճառ են բերել, որ պետք էր մինչեւ մայիսի 20-ը այցելել, բայց չէ՞ որ դա մեզ տվել են մայիսի 22-23-ին, մայիսի 20-ին ո՞նց կարող էինք գնալ։ Մեր դպրոցում տոմսերը երեխաներին տվել են «Վերջին զանգի» նախօրյակին եւ ասել էին՝ մինչեւ հունիսի 20-ն է ժամկետի մեջ»,– պատմեց ծնողներից մեկը։
Կարդացեք նաև
ԱՆՆԱ ԶԱԽԱՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
