ՀՀ նախկին վարչապետ Հրանտ Բագրատյանը երեկ մտահոգություն հայտնեց, որ եթե զբաղվենք անցումային արդարադատությունով, չի բացառվում, որ բոլոր տեսակի ներդրումները կզրոյանան. «Ով ասաց, որ անցումային արդարադատության բացակայությունն է ներդրումների նվազման պատճառը: Ներդրումներ անելու գործիքներ չկան, գործիքները ստեղծե՞լ ենք»: «Առավոտի» հստակեցնող հարցին՝ այսինքն չունե՞նք այդ կառույցը, որը ներդրողին կուղղորդի, պարոն Բագրատյանն ասաց՝ չունենք:
Ըստ Հրանտ Բագրատյանի, չունենք նաեւ բորսա. «Բորսա չունենք Կենտրոնական բանկի պատճառով, Արթուր Ջավադյանը չի ուզում այդ բորսաները, որովհետեւ հոգս է իր համար: Բորսա ունեցավ, ինքն այս անգամ բորսայի կայունության համար պետք է պատասխան տա, իսկ ինքը հանգիստ ապրել է սիրում, աշխատավարձ ստանալ»:
«Առավոտ» օրաթերթ
13.06.2019
