Գեղարքունիքի մարզի Ճամբարակ համայնքի ղեկավարի տեղակալ Ռոբերտ Օհանյանը «Առավոտի» հետ զրույցում ասում է, որ Ճամբարակը զբոսաշրջային առումով բացահայտված չէ: «Մարդիկ երեւի խուսափում են այստեղ գալ՝ մտածելով, որ սահմանամերձ է, թեեւ հրաշալի բնություն ունենք»,-ասում է նա:
Ռոբերտ Օհանյան
Ռոբերտ Օհանյանի ձեւակերպմամբ, ճամբարակցիները հայրենասիրական մղումներով են այստեղ ապրում ու չեն լքում իրենց ծննդավայրը, թեեւ համայնքին բաժին են ընկել սահմանամերձ լինելու բոլոր դժվարությունները: Ցավով փաստում է, որ Ճամբարակից մեկնում են արտագնա աշխատանքի, ինչպես Երեւան, այնպես էլ մոտակա բնակավայրեր, որտեղ հնարավոր է ընտանիքը պահելու համար գումար վաստակել: Նաեւ հավելում է. «Այստեղ ցանկացած խանութում պարտքերի ցուցակներ կան, եւ երբ հինգ տարին անցնում է, փոքրիկ կրպակների՝ հույսները կտրած տերերը հին տետրերը պատռում, նորն են վերցնում»:
Լուսանկարները՝ ԳՈՀԱՐ ՀԱԿՈԲՅԱՆԻ
Ճամբարակի խնդիրների մասին մանրամասն՝ առաջիկայում:
Կարդացեք նաև
«Առավոտ» օրաթերթ
13.06.2019
