«Մտավախություններ չունեմ, ինքս էլ պատրաստ եմ ենթարկվել դրան: Իմ անձնական կարծիքով՝ դա նորմալ գաղափար է»,-լրագրողների հետ ճեպազրույցում այսօր անդրադառնալով «վեթինգի» ենթարկվելու մասին հարցադրմանը, ասաց Սյունիքի մարզպետ, ՀՀ նախկին փոխոստիկանապետ Հունան Պողոսյանը:
Մեկնաբանելով վարչապետ Նիկոլ Փաշինյանի այն հայտարարությանը, թե ըստ օպերատիվ տվյալների՝ ՀՀ-ում «սեւազգեստների» խմբավորումներ կան, Հունան Պողոսյանը նշեց. «Քրեածին-հանցավոր միջավայրի տարրեր միշտ եղել են ու կան, եւ դրանցով իրավապահները պետք է զբաղվեն: Նրանք պատշաճ մակարդակով իրենց գործառույթներն իրականացնում են»:
Հարցին՝ «Սյունիքում սեւազգեստներ կա՞ն», նա այսպես պատասխանեց. «Հանդերձանքի եւ Սյունիքում իրավիճակի առումով պետք չէ ծայրահեղացնել: Գունավոր հանդերձանք կրողներ էլ կարող են լինել, որոնք փորձում են իրենց վեր դասել օրենքից: Դուք փորձում եք այլ կերպ մեկնաբանել, բայց կարծում եմ՝ այդ ամենը վերաբերում է բոլոր նրանց, ովքեր փորձում են օրենքից վեր դասել իրենց: Սյունիքում նման մտահոգություն կա, այդպիսի խմբավորումներ չկան»:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/415836822331582/
Լուիզա ՍՈՒՔԻԱՍՅԱՆ
