Այսօր Գյումրու պատմական հատվածում իտալացի ճարտարապետների ու շինարարների հետ կատարած շրջայցից հետո նախագահ Արմեն Սարգսյանից համացանցում հայտնվել է մի լուսանկար, որտեղ նա, ըստ էության, դարձյալ գովազդում է հանրապետության ամենակոլորիտով քաղաքը։
Նրա մազերը կտրում են Գյումրու ամենահին՝ 78-ամյա պատմություն ունեցող վարսավիրանոցում՝ «Լյուքս»-ում», որը նույնպես յուրօրինակ այս քաղաքի դեմքը ցուցադրող կոլորիտով վայրերից մեկն է։ Այն գտնվում է Գյումրու պատմական հատվածում։
Շիրակի տուրիզմի զարգացման և հետազոտության կենտրոնը, տեղադրելով այս լուսանկարն իր էջում, գրել է․ «Նախագահ Արմեն Սարգսյանը մազերը կտրում է Գյումրու ամենահին Լյուքս վարսավիրանոցում: Իսկ դուք ե՞րբ բդի Գյումրի գաք»:
Նունե ԱՐԵՎՇԱՏՅԱՆ
